தமிழக சட்டப்பேரவையில் சமூக நலன் மற்றும் மாற்றுத்திறனாளிகள் துறை மானியக் கோரிக்கை மீதான விவாதத்தின் போது, பதிலுரை வழங்கிய அமைச்சர் கீதா ஜீவன், திமுக ஆட்சியில் பெண்கள் முன்னேற்றத்திற்கான ஏராளமான திட்டங்கள் கொண்டு வரப்பட்டுள்ளதாக தெரிவித்தார்.

பெண்களுக்கு எதிராக நடைபெறும் குற்றங்கள் மீது உடனடியாக நடவடிக்கைகள் எடுக்கப்பட்டு வருவதாக அவர் கூறினார். சென்னையில் சிறார்களுக்கான பிரத்யேக போதை தடுப்பு மையம் அமைக்கப்பட்டுள்ளதாகவும், மூத்த குடிமக்களுக்கான வரைவு கொள்கை-2022 விரைவில் வெளியிடப்படும் என்றும் அவர் தெரிவித்துள்ளார்.