* முல்லைப்பெரியாறு அணையின் நீர் மட்ட உயர்வை 152 அடியாக உயர்த்த வேண்டும்.

* தீபகற்ப நதிகளான கோதாவரி - காவிரி, காவிரி - குண்டாறு நதிகளை இணைக்க வேண்டும்

மீன்வளம்

* பாக் நீரிணை பகுதியில் இந்திய மீனவர்கள் சென்று மீன்பிடிப்பதற்கான பாரம்பரிய உரிமையை உறுதி செய்வதோடு, அவர்களின் பாதுகாப்பிற்கு நடவடிக்கை எடுக்க வேண்டும்.

* கச்சத்தீவை மீட்பதோடு, அங்கு தமிழக மீனவர்கள் சென்று மீன்பிடிக்கும் உரிமையை மீட்டெடுக்க வேண்டும்.

* மீனவர்களின் நலனுக்காக தேசிய ஆணையத்தை உருவாக்க வேண்டும்.

* இலங்கை தமிழர்களுக்கு சமமான அரசியல் மற்றும் வாழ்வுரிமைகள் கிடைக்க நடவடிக்கை எடுக்க வேண்டும்.

மின்சார பிரச்சினைகள்

* தமிழகத்திற்கு நிலக்கரி இறக்குமதி செய்வதிலும், ஒதுக்கீடு செய்வதிலும் இருக்கும் குளறுபடிகளை நீக்க வேண்டும்.

* நலிவடைந்த மின்சார வாரியங் களுக்கு வழங்கும் நிதியை மத்திய அரசு முறைப்படுத்த வேண்டும்.

* மின்சார திருத்த சட்ட மசோதா 2020-ஐ திரும்பப் பெற வேண்டும்.

நிதி விவகாரங்கள்

* வரி மற்றும் கூடுதல் கட்டணங்களை மாநில அரசுகளுடன் பகிர்ந்து கொள்ள வேண்டும்.

* மாநில நிதி நிலையில் 15-வது நிதிக்குழுவின் பரிந்துரைகள் ஏற்படுத்திய தாக்கங்களை கவனிக்க வேண்டும்.

* 14-வது நிதிக்குழுவிடம் பரிந்துரைகளின்படி மாநில அரசுக்கு தர வேண்டிய நிதியின் பாக்கியை உடனே தர வேண்டும்.

* தமிழக அரசுக்கு தர வேண்டிய ஜி.எஸ்.டி. உள்ளிட்ட பாக்கித் தொகைகளை வழங்க வேண்டும்.

* 1996-97 மற்றும் 2014-15 ஆகிய ஆண்டுகளில் மாநில அரசுக்கு வழங்க வேண்டிய மத்திய வரி பங்குகளை அளிக்க வேண்டும்.

* தமிழகத்தில் மேற்கொள்ளப்படவுள்ள மத்திய நிதியுதவி திட்டங்களுக்கு உடனடியாக அனுமதி அளிக்க வேண்டும்.

* தமிழ்நாடு உள்கட்டமைப்பு நிதியில், தேசிய உள்கட்டமைப்பு முதலீட்டு நிதி (என்.ஐ.ஐ.எப்.) முதலீடு செய்ய வேண்டும்.

* மாநில பேரிடர் நிவாரண நிதியை கூடுதலாக ஒதுக்க வேண்டும்.

நுழைவுத்தேர்வுகள்

* நீட் என்ற மருத்துவ கல்விக்கான தகுதித் தேர்வையும், மற்ற கல்வி சேர்கைக்கும் வைக்கப்பட உள்ள நுழைவுத் தேர்வுகளையும் கைவிட வேண்டும்.

* கோவையில் புதிய எய்ம்ஸ் ஆஸ்பத்திரி தோற்றுவிக்க வேண்டும்.

* தமிழகத்திற்கு தேவையான கொரோனா தடுப்பு மருந்தை ஒதுக்கீடு செய்ய வேண்டும்.

* லிப்போசோமால் ஆம்போடெரிசின் பி போன்ற உயிர் காக்கும் மருந்துகளை தேவையான அளவில் வினியோகம் செய்ய வேண்டும்.

* மருத்துவ இளநிலை மற்றும் முதுநிலை கல்வி மாணவர் சேர்க்கையில் அகில இந்திய ஒதுக்கீட்டில் இதர பிற்படுத்தப்பட்டோர் பிரிவை அனுமதிக்க வேண்டும்.

வேளாண்மை

* வேளாண்மை தொடர்பான 3 சட்டங்களையும் திரும்பப் பெற வேண்டும்.

* நெல் அரவை மானியத்தொகையை தமிழகத்திற்கு உடனே வழங்க வேண்டும்.

தொழிற்சாலை கோரிக்கை

* செங்கல்பட்டு எச்.எல்.எல். பயோடெக் மையம், குன்னூர் பாய்ச்சர் மையம் ஆகிய இடங்களில் கொரோனா தடுப்பூசி மருந்து உற்பத்தியை உடனடியாக தொடங்க வேண்டும்.

* மெகா டெக்ஸ்டைல்ஸ் பூங்காவை தொடங்க அனுமதி அளிக்க வேண்டும்.

* சேலம் இரும்பாலையில் கூடுதலாக உள்ள நிலப்பரப்பை பாதுகாப்பு தொழில் பூங்காவிற்கு அளிக்க வேண்டும்.

* குறு. சிறு மற்றும் நடுத்தர தொழில் நிறுவனங்களுக்கு சிறப்பு நிவாரண நிதி உதவி அளிக்க வேண்டும்.

பள்ளிக்கல்வி

* தேசிய கல்விக்கொள்கையை திரும்பப் பெற வேண்டும்.

* சர்வ சிக்ஷா அபியான் திட்டத்திற்கான மானியங்களை உடனே வழங்க வேண்டும்.

* குழந்தைகளுக்கான இலவச மற்றும் கட்டாய கல்வி சட்டத்தை அமல்படுத்த வேண்டும்.

சென்னை மெட்ரோ ரெயில்

* சென்னை மெட்ரோ ரெயில் திட்டத்தின் 2-வது கட்டத்திற்கான அங்கீகாரத்தை, மாநில மற்றும் மத்திய அரசின் 50 சதவீத நிதிப் பங்களிப்புடன் அளிக்க வேண்டும்.

* சென்னை மெட்ரோ ரெயில் நிறுவனம் கேட்கும் ரெயில்வே நிலங்களை குத்தகைக்கு எடுத்துக்கொள்ள அனுமதிக்க வேண்டும்.

தமிழ் வளர்ச்சி

* தமிழை இந்தியாவின் ஆட்சி மொழிகளில் ஒன்றாக அறிவிக்க வேண்டும். ஐகோர்ட்டில் தமிழை வழக்காடு மொழியாக அங்கீகரிக்க வேண்டும்.

* தமிழகத்தில் உள்ள மத்திய அரசு அலுவலகங்கள் மற்றும் மத்திய பொதுத்துறை நிறுவனங்களில் தமிழக மக்களுக்கு வேலை வாய்ப்பில் முன்னுரிமை வழங்க வேண்டும்.

* சென்னையில் உள்ள தமிழ் செம்மொழி ஆய்வு நிறுவனத்தை புதுப்பிக்க வேண்டும்.

* திருக்குறளை தேசிய நூலாக அறிவிக்க வேண்டும்.

பிற்படுத்தப்பட்டோர் நலன்

* பிற்படுத்தப்பட்டோர் வகுப்பினரை அடையாளம் காண்பதற்காக உள்ள வருமான உச்சவரம்பை திரும்பப் பெற வேண்டும்.

* மிகவும் பிற்படுத்தப்பட்டோர், எஸ்.சி., எஸ்.டி. பிரிவினருக்கு மாநில அரசுகளே மாநில தொகுப்பில் ஒதுக்கீடுகளை வழங்கும் வகையில் அரசியல் சாசனத்தில் திருத்தம் கொண்டு வரப்பட வேண்டும்.

நெடுஞ்சாலை, துறைமுகம்

* மதுரவாயல் - சென்னை துறைமுகம் இடையேயான உயர்மட்ட சாலை திட்டத்தை விரைவாக நிறைவேற்ற வேண்டும்.

* சென்னை விமான நிலையம் - செங்கல்பட்டு உயர் மட்ட சாலைத் திட்டத்தை உடனடியாக செயல்படுத்த வேண்டும்.

* சென்னை துறைமுகம் மற்றும் திருவொற்றியூரை இணைக்கும் கடல் பாலம் திட்டத்தை நிறைவேற்ற வேண்டும்.

* சென்னை, கன்னியாகுமரி இடையேயான 6 மற்றும் 8 வழிச்சாலை திட்டத்தை கைவிட வேண்டும்.

* சென்னை - சேலம் இடையேயான பசுமை வழிச் சாலைத் திட்டத்தையும் கைவிட வேண்டும்.

* தமிழகத்தின் துரிதமான பொருளாதார வளர்ச்சிக்காக தூத்துக்குடி துறைமுகத்தை விரிவாக்கம் செய்ய வேண்டும்.

* சேதுசமுத்திரம் திட்டத்தை நிறைவேற்ற வேண்டும்.

நீதித்துறை, விமான நிலையம்

* சென்னையில் சுப்ரீம் கோர்ட்டின் கிளையை உருவாக்க வேண்டும்.

* சென்னையில் உலகத் தரம் வாய்ந்த புதிய சர்வதேச விமான நிலையத்தை அமைக்க வேண்டும்.

* மதுரை விமான நிலையத்தை சர்வதேச விமான நிலையமாக அறிவிக்க வேண்டும்.

* சேலம் மற்றும் தூத்துக்குடியில் உள்ள விமான நிலையங்களை விரிவாக்கம் செய்வதோடு அவற்றை நவீனப்படுத்த வேண்டும்.

புதிய ரெயில் திட்டங்கள்

* மக்களவை மற்றும் மாநில சட்டசபைகளில் பெண்களுக்கு 33 சதவீத இடஒதுக்கீட்டை வழங்குவதற்கு வழிவகை செய்யும் மசோதாவை நிறைவேற்ற வேண்டும்.

* ஊரகப் பகுதியில் மகாத்மா காந்தி வேலை வாய்ப்பு உத்தரவாதத் திட்டத்தில் பணியாற்றுவோர் 150 நாட்கள் பணியாற்ற வழிவகை செய்யும் வகையில் சட்ட திருத்தம் கொண்டு வர வேண்டும்.

* நகர்ப்புற வேலை வாய்ப்பு ஊதிய திட்டத்தை தொடங்க வேண்டும்.

* தமிழகத்திற்கான புதிய ரெயில்வே திட்டங்களை அமல்படுத்த வேண்டும்.

* குடியுரிமை திருத்த சட்டத்தை திரும்பப் பெற வேண்டும்.

* சென்னையில் அறிவுசார் சொத்துரிமை மேல்முறையீட்டு தீர்ப்பாயம் தொடர்ந்து நடத்தப்பட வேண்டும்.

* ஹைட்ரோகார்பன் மற்றும் நியூட்ரினோ தொடர்பான திட்டங்களை கைவிட வேண்டும்.

* சுற்றுப்புறச் சூழல் தாக்க மதிப்பீட்டு அறிவிப்பாணை - 2020-ஐ திரும்பப் பெற வேண்டும்.

இவ்வாறு அதில் கூறப்பட்டுள்ளது.*