ஓ.டி.ஏ. - நங்கநல்லூர் சாலை மெட்ரோ ரெயில் நிலையத்தில் ராணுவ அதிகாரிகள் பயிற்சி கல்லூரி தொடர்பான விவரப் பலகைகள் திறப்பு

விவரப்பலகைகள்

நிகழ்ச்சியில் பேசிய லெப்டினண்ட் ஜெனரல் மைக்கேல் ஏ.ஜே.பெர்னாண்டஸ், இந்திய ராணுவத்தில் மிகச் சிறப்பாக பணியாற்றி, நாட்டுக்கும் ராணுவத்திற்கும் பெருமை சேர்த்த பல்வேறு அதிகாரிகளை உருவாக்கிய பெருமை இக்கல்லூரிக்கு உள்ளது என்றார். இவை தொடர்பான விவரங்களை பொதுமக்களுக்கு எடுத்துரைத்து ராணுவ வீரர்களுக்கு வழங்கப்படும் தலைமைத்துவம், வீரம், ஒழுக்கம் ஆகியவற்றை குறித்தும் இந்திய ராணுவம் வழங்கும் பல்வேறு வேலைவாய்ப்புகள் குறித்தும் இந்த விவரப்பலகைகள் மக்களுக்கு விளக்கி கூறுவதாக தெரிவித்தார்.

இளம் ராணுவ வீரர்களின் உடல் திறன் மட்டுமல்லாமல் அவர்களது ஒட்டுமொத்த மேம்பாடு, அறிவுத்திறன், ஒழுக்க நெறிமுறைகள் ஆகியவை குறித்தும் இப்பயிற்சி கல்லூரியில் சிறந்த பயிற்சிகள் வழங்கப்படுவதாக அவர் கூறினார்.

இந்நிகழ்ச்சியில் அதிகாரிகள் பயிற்சி கல்லூரி துணைத் தலைவர் மேஜர் ஜெனரல் எஸ்.முருகேசன், ராணுவத்தின் தென்னிந்திய பகுதிகளுக்கான தலைமையக தலைமை அலுவலர் மேஜர் ஜெனரல் ஆர்.எம்.ஸ்ரீனிவாஸ், சென்னை மெட்ரோ ரெயில் நிலையத்தின் திட்டப்பிரிவு இயக்குநர் அர்ச்சுனன், நிதிப்பிரிவு இயக்குநர் கிருஷ்ணமூர்த்தி, அமைப்பு மற்றும் நிர்வாகப் பிரிவு இயக்குநர் மனோஜ் கோயல் மற்றும் பல்வேறு அதிகாரிகளும் கலந்து கொண்டனர்.