தமிழக பா.ஜனதா தலைவர் அண்ணாமலையின் 'என் மண் என் மக்கள்' யாத்திரை கடந்த ஆண்டு ஜூலை மாதம் தொடங்கியது. இந்த நிலையில், யாத்திரை இன்றுடன் நிறைவு பெறுகிறது.

கடைசி நாளான இன்று சென்னையில் யாத்திரையை முடிக்க தமிழக பா.ஜனதா திட்டமிட்டிருந்தது. இதற்காக போலீசாரிடம் அனுமதி கேட்டிருந்த நிலையில் சென்னையில் யாத்திரைக்கு போலீஸ் துறை அனுமதி மறுத்தது. அதே நேரத்தில், சென்னை சென்டிரல் அருகே மின்ட் தங்க சாலையில் பா.ஜனதா பொதுக்கூட்டம் நடத்த மட்டும் போலீஸ் அனுமதி வழங்கியுள்ளது. இதனால், பா.ஜனதா தேசிய தலைவர் ஜே.பி.நட்டாவின் சென்னை பயணத்தில் மாற்றம் செய்யப்பட்டுள்ளது.