ராயபுரம் தொகுதியில் மீண்டும் தோல்வியை தழுவிய ஜெயக்குமார்

சென்னை,

சென்னையில் உள்ள தொகுதிகளில் மிக முக்கியமானதாக திகழக்கூடியது ராயபுரம். கடலோர பகுதியில் அமைந்துள்ள இங்கு கடந்த சட்டமன்ற தேர்தலில் திமுக வெற்றிக்கொடி நாட்டியது. இந்த முறை திமுக, அதிமுக, நாதக, தவெக, தமிழக வாழ்வுரிமை கட்சி மற்றும் பகுஜன் சமாஜ் கட்சி ஆகியவை போட்டியில் உள்ளனர். இது தவிர சுயேச்சைகள் பலரும் போட்டியிட கிட்டத்தட்ட ராயபுரம் தொகுதியில் 28 வேட்பாளர்கள் போட்டியிட்டுள்ளனர்.

ராயபுரம் தொகுதியில் மறைந்த முன்னாள் அமைச்சர் ரகுமான் கானின் மகன் சுபேர்கான் திமுக வேட்பாளராக களமிறங்கினார். கடந்த ஐந்து ஆண்டுகளாக திமுக கொண்டு வந்த திட்டங்களை மக்களிடம் பிரசாரம் செய்து தீவிர வாக்கு சேகரிப்பில் ஈடுபட்டு வந்தார். மருத்துவரான இவருக்கு அந்த தொகுதியில் நல்ல வரவேற்பு இருந்து வருகிறது. கலைஞர் மகளிர் உரிமைத்தொகை உள்ளிட்ட திட்டங்களை சொல்லி, பெண்களிடம் தீவிரமாக பிரசாரம் செய்தார் சுபேர்கான்.