சூரப்பாவைத் தவிர அனைத்து தரப்பினரிடமும் விசாரணை முடிக்கப்பட்ட நிலையில், சூரப்பாவிற்கு சமீபத்தில் விசாரணைக்குழு சார்பில் நோட்டீஸ் அனுப்பப்பட்டது. அதில் பல்வேறு கேள்விகள் எழுப்பப்பட்டிருந்தது. இந்த நோட்டீசுக்கு சூரப்பா வழக்கறிஞர் மூலமாக பதில் மனு ஒன்றை சமர்ப்பித்துள்ளார்.

அந்த பதில் மனுவில், விசாரணைக்குழு எழுப்பிய அனைத்து கேள்விகளுக்கும் சூரப்பா மறுப்பு தெரிவித்துள்ளார். தான் எந்தவிதமான முறைகேட்டிலும் ஈடுபடவில்லை என திட்டவட்டமாக அவர் பதிலளித்துள்ளார்.

இதையடுத்து விசாரணைக்குழு இந்த விசாரணையின் முடிவான அறிக்கையை தயார் செய்யும் பணியில் ஈடுபட்டுள்ளது. அடுத்த வாரம் தமிழக முதல்-அமைச்சர் மு.க.ஸ்டாலினிடம் இந்த விசாரணை அறிக்கையை வழங்குவதற்கு நீதிபதி கலையரசன் திட்டமிட்டுள்ளார்.