கோவை தெற்கு தொகுதியில் பணப்பட்டுவாடா நடப்பதாக கமல்ஹாசன் குற்றச்சாட்டு

அந்த வகையில் மக்கள் நீதி மய்யம் தலைவர் கமல்ஹாசன், இன்று காலை சென்னை ஆழ்வார்பேட்டை பகுதியில் உள்ள வாக்குச்சாவடிக்கு வருகை தந்தார். அவருடன் அவரது மகள்கள் ஸ்ருதிஹாசன் மற்றும் அக்ஷராஹாசனும் உடன் வந்து, வரிசையில் நின்று வாக்குகளை செலுத்தினர். இதை தொடர்ந்து அவர் போட்டியிடும் கோவை தெற்கு தொகுதிக்குச் சென்று வாக்குப்பதிவு நடைமுறைகளை பார்வையிட்டார்.

அப்போது செய்தியாளர்களிடம் பேசிய அவர், தொகுதியில் பல இடங்களில் பணப்பட்டுவாடா நடப்பதாக குற்றம்சாட்டினார். சில கட்சியினர் மக்களிடம் டோக்கன்களை வழங்கி பணத்தை விநியோகம் செய்ததாகவும் அவர் கூறினார். தோல்வி பயத்தில் இதுபோன்ற ஜனநாயகத்திற்கு எதிரான நடவடிக்கைகளில் சிலர் ஈடுபடுவது வருத்ததிற்குரிய செயல் என்று அவர் குறிப்பிட்டார்.