கம்பம் அருகே உள்ள கோசந்திர ஓடை ஊத்துக்காடு மேற்கு பகுதியில் மலையடிவாரத்தில் தொடங்கி, வள்ளியன்குளம், ஊத்துக்காடு வழியாக அண்ணாபுரத்தில் உள்ள சின்ன வாய்க்காலை சென்றடைகிறது. இந்த ஓடையில் மழைக்காலங்களில் தண்ணீர் செல்லும்போது சுற்றுப்பகுதியில் நிலத்தடி நீர் மட்டம் உயரும். இதனால் கிணறு மற்றும் ஆழ்துளை கிணறுகள் அமைத்து, விவசாயிகள், பல்வேறு சாகுபடிகளை மேற்கொண்டு வருகின்றனர். இத்தகைய முக்கியத்துவம் வாய்ந்த ஓடைகள் தற்போது தனிநபர் ஆக்கிரமிப்பால் இருந்த சுவடே இல்லாமல் போனது.