பெண்களுக்குரிய பாதுகாப்பையும், சமமான உரிமையையும் நிலைநாட்ட ஒன்றிணைந்து உறுதியேற்போம்: நெல்லை முபாரக்

பெண்கள் சுயமாகப் பலம்பெற வேண்டிய அதே வேளையில், அவர்களுக்குத் தேவையான பாதுகாப்பான சூழலை உறுதி செய்ய வேண்டியது ஒட்டுமொத்த சமூகத்தின் கடமையாகும். ஒரு கூட்டான முயற்சியின் வாயிலாகத்தான் பெண்களின் முன்னேற்றத்தை நம்மால் முழுமையாக உறுதிசெய்ய இயலும். 2026-ம் ஆண்டின் சர்வதேச மகளிர் தினக் கருப்பொருளான "பெண்களின் தலைமைத்துவத்தை அங்கீகரிப்போம்: சமத்துவமான எதிர்காலத்தை நோக்கி" என்பதற்கேற்ப, தடைகளைத் தகர்த்து சாதனைகள் பல படைத்திட எஸ்.டி.பி.ஐ. கட்சியின் சார்பில் வாழ்த்துகிறேன்.

வலிமை மற்றும் உத்வேகத்தின் அடையாளமாகத் திகழும் பெண்களுக்கு உரிய பாதுகாப்பையும், சமமான உரிமையையும் நிலைநாட்ட இந்த நன்னாளில் நாம் அனைவரும் ஒன்றிணைந்து உறுதியேற்போம். பெண் சமூகத்திற்காகவும், அவர்களின் உரிமைகளுக்காகவும் சமரசமின்றி உழைக்கின்ற அனைவருக்கும் மீண்டும் ஒருமுறை எனது வாழ்த்துகளை உரித்தாக்குகிறேன்.

இவ்வாறு அவர் தெரிவித்துள்ளார்.