வேலூர் டாஸ்மாக் கோட்டம் வேலூர், திருப்பத்தூர் மாவட்டங்களில் உள்ள 106 டாஸ்மாக் கடைகளில் கடந்த 22,23,24 ஆகிய 3 நாட்களில் ரூ.11 கோடியே 56 லட்சத்துக்கு மதுபானங்கள் விற்பனையாகின. வழக்கமாக மற்ற நாட்களில் ரூ.3 கோடிக்கு மதுபானங்கள் விற்பனையாகும். இந்த 3 நாட்களில் சராசரியாக ரூ.3 கோடியே 85 லட்சத்துக்கு மதுபானங்கள் விற்பனை செய்யப்பட்டுள்ளன.

அதேபோன்று அரக்கோணம் டாஸ்மாக் கோட்டம் ராணிப்பேட்டை மாவட்டத்தில் உள்ள 83 டாஸ்மாக் கடைகளில் 3 நாட்களில் ரூ.7 கோடியே 34 லட்சத்துக்கு மதுபானங்கள் விற்பனையானது. இங்கு மற்ற நாட்களில் ரூ.2 கோடி வரை விற்பனையாகும். வேலூர், திருப்பத்தூர், ராணிப்பேட்டை மாவட்டங்களில் ஆயுதபூஜை, விஜயதசமி பண்டிகையையொட்டி 3 நாட்களில் மொத்தம் ரூ.18 கோடியே 90 லட்சத்துக்கு மதுபானங்கள் விற்பனையானது என்று டாஸ்மாக் அதிகாரிகள் தெரிவித்தனர்.