மேகதாது அணை தொடர்பாக அனைத்து கட்சிக் கூட்டத்தை நடத்த வேண்டும்: மு.வீரபாண்டியன் வலியுறுத்தல்

இந்தச் சுழலில் 19.06.2026 ஆம் தேதி தமிழ்நாடு சட்டமன்றப் பேரவையில், கர்நாடக அரசின் மேகதாது அணை கட்டும் திட்டத்திற்கு மத்திய அரசு ஏந்தவொரு அனுமதியும் வழங்கக் கூடாது என வலியுறுத்தும் தீர்மானம் முதல்-அமைச்சரால் முன் மொழியப்பட்டு, அனைத்துக் கட்சித் தலைவர்களும் ஆதரவு தெரிவித்த அடிப்படையில் ஒருமனதாக நிறைவேற்றப்பட்டது.

இந்தத் தீர்மானத்தின் மீது எதிர்க்கட்சி வரிசையில் இறுதியாகப் பேசிய எதிர்கட்சித் தலைவர் உதயநிதி ஸ்டாலின், கடந்த மார்ச் மாதம் 4-ம் தேதி அப்போதைய முதல்-அமைச்சர் “மேகதாது அணை கட்டும் பிரச்சினையை தனி ஒரு தண்ணீர் பகிர்வு பிரச்சினையாகக் கருதி, மாநிலங்களிடையே நதி நீர் தவா சட்டம் 1956 -ப்படி தனி நடுவர் மன்றம் அமைக்கும் படி மத்திய அரசுக்கு கடிதம் எழுதியுள்ளார்” என்ற தகவலைத் தெரிவித்து அதனையும் தீர்மானத்தில் சேர்த்துக் கொள்ள வேண்டும் என்று கேட்டுக் கொண்டார்.

நிறைவாகப் பேசிய முதல்-அமைச்சர் விஜய், எதிர்க்கட்சி தலைவரின் திருத்தம் தீர்மானத்தின் 4-ம் பத்தியாக சேர்த்து திருத்தம் உள்ளடங்கிய தீர்மானமாக மத்திய அரசுக்கு அனுப்பி வைக்கப்படும் என தெரிவித்துள்ளார். எதிர்கட்சித் தலைவர் முன்மொழிந்த திருத்தம் வெளிப்படையாக அறிவிக்கப்படாத நிலையில், மற்ற கட்சித் தலைவர்கள் அதன் மீது கருத்துக் கூறமுடியவில்லை.