முருக பெருமானின் அறுபடை வீடுகளில் 2-ம் படை வீடான திருச்செந்தூர் சுப்பிரமணிய சுவாமி கோவிலில் ஆண்டுதோறும் மாசி திருவிழா கொடியேற்றத்துடன் தொடங்கி 12 நாட்கள் சிறப்பாக கொண்டாடப்படும். அந்த வகையில், இந்த ஆண்டு மாசி திருவிழா இன்று கொடியேற்றத்துடன் தொடங்கியது.

கோவிலில் உள்ள கொடிமரத்தில் இன்று அதிகாலை 5.30 மணியளவில் கொடியேற்றம் நடைபெற்றது. கொடியேற்றத்தின் போது அரோகரா முழக்கத்துடன் பக்தர்கள் தரிசனம் செய்தனர். 12 நாட்கள் நடைபெறும் மாசித்திருவிழாவின் சிகர நிகழ்வான தேரோட்டம் வரும் 16-ஆம் தேதி நடைபெற உள்ளது.