விரைவில் கூடும் சட்டசபை கூட்டம்: துறை விவரங்கள் பற்றி விழுந்து விழுந்து படிக்கும் அமைச்சர்கள்

ஒரு துறையைப் பற்றி வெளியே இருந்து அறிந்து கொள்ளும் தகவல்கள் வேறு. ஆனால் அந்தத் துறையின் அமைச்சராக இருந்து அந்த துறை பற்றிய அறிவை பெற்றுக் கொள்வது என்பது வேறு. அந்த வகையில் ஒவ்வொரு புதிய அமைச்சரும் தனக்கான துறை பற்றிய அறிவு தேடல்களில் இறங்கியுள்ளனர் என்று தலைமைச் செயலக வட்டாரம் தெரிவிக்கிறது.

இதற்காக அந்தத் துறைகளின் மூத்த அதிகாரிகளை அழைத்து பேசுகின்றனர். ஆய்வுக் கூட்டங் களை நடத்தி திட்டம் பற்றி கேட்கின்றனர். அதோடு ஒவ்வொரு துறைகளுக்குமான கொள்கை விளக்க குறிப்புகளை வரவழைத்து விழுந்து விழுந்து படித்துப் பார்க்கின்றனர். ஏனென்றால் இன்னும் ஒரு மாதத்திற்குள் சட்டசபை கூட இருக்கிறது. அப்போது எதிர்க்கட்சிகள் கேட்கும் கேள்விகளுக்கு தயங்காமல் பதிலளிக்க வேண்டியது உள்ளது.