* போட்டியிட்ட 13 முறையும் சட்டமன்ற தேர்தலில் வெற்றி பெற்றும், 2 முறை சட்ட மேலவை உறுப்பினராக இருந்தும் மொத்தம் 60 ஆண்டுகள் உறுப்பினராக, தமிழகத்தில் இதுவரை யாரும் உருவாக்காத சரித்திரத்தை படைத்தவர் கருணாநிதி. பேரறிஞர் அண்ணாவின் அமைச்சரவையில் பொதுப்பணித்துறை அமைச்சராகவும், பிறகு 19 ஆண்டுகள் தமிழக முதல்-அமைச்சராகவும் இருந்து அரும்பணி ஆற்றியவர் கருணாநிதி.

தமிழகத்தை முன்னேற்ற பாதையில் மீண்டும் செலுத்துவோம்; இன-மொழி பெருமையை பேணுவோம்; அதுவரை மெய் வருத்தம் பாராது, பசி நோக்காது, கண் துஞ்சாது அயராது உழைப்போம்; அதற்கான சூளுரையை இன்றே இப்போதே மேற்கொள்வோம். மேற்கண்ட தீர்மானங்கள் நிறைவேற்றப்பட்டன.