எண்ணூர் தாழங்குப்பம் அம்மன் கோவில் தெருவை சேர்ந்தவர் வசந்தகுமார் (வயது 35). இவர், போரூரில் உள்ள தனியார் கம்பெனியில் ஏ.சி. மெக்கானிக்காக வேலை பார்த்து வந்தார். இவருக்கு மனைவி, ஒரு மகன், ஒரு மகள் உள்ளனர். நேற்று முன்தினம் நள்ளிரவு வேலை முடிந்து மோட்டார் சைக்கிளில் வீட்டுக்கு திரும்பி வந்து கொண்டிருந்தார். எண்ணூர் கடற்கரை சாலையில் எல்லையம்மன் கோவில் அருகே வந்தபோது திடீரென மோட்டார் சைக்கிள் நிலைதடுமாறி சாலையில் உள்ள தடுப்பு சுவரில் மோதியது. இதில் படுகாயம் அடைந்த வசந்தகுமார், சம்பவ இடத்திலேயே பரிதாபமாக இறந்தார். இதுபற்றி வண்ணாரப்பேட்டை போக்குவரத்து போலீசார் வழக்குப்பதிவு செய்து விசாரித்து வருகிறார்கள்.

மற்றொரு சம்பவம்