தேசிய கூடைப்பந்து போட்டி: தமிழக அணிகளுக்கு விளையாட்டுத்துறை அமைச்சர் ஆதவ் அர்ஜுனா வாழ்த்து

இந்நிகழ்ச்சியில் மாண்புமிகு விளையாட்டுத் துறை அமைச்சர் அவர்கள் பேசியதாவது.

தமிழ்நாடு முதலமைச்சர் இளைய தலைமுறையினரின் முன்னேற்றத்தில் தனி கவனம் செலுத்தி வருகிறார்கள். அதன் ஒரு பகுதியாக விளையாட்டில் ஆர்வமுள்ள வீரர், வீராங்கனைகளை கண்டறிந்து விளையாட்டு மேம்பாட்டுத் துறையின் மூலம் அவர்களை சாதனையாளர்களாக மாற்றிட தொலைநோக்கு செயல்திட்டங்களை வகுத்து வருகிறார்கள்.

விளையாட்டு விடுதி மாணவனாக உங்களை போன்று நானும் ஒரு கூடைப்பந்து வீரராக இருந்து படிப்படியாக கடின உழைப்பால் முன்னேறி இன்றைய தினம் உங்கள் முன் விளையாட்டுத் துறை அமைச்சராக வந்துள்ளேன். உங்களையெல்லாம் பார்க்கும்போது, எனது கூடைப்பந்து பயிற்சி நாட்கள் பசுமையான நினைவிற்கு வருகிறது. தமிழ்நாடு முதலமைச்சர் அவர்கள் உங்களை போன்ற இளைஞர்களுக்கு உரிய வழிக்காட்டுதல்களை வழங்கி சாதனையாளர்களாக திகழச் செய்ய பல்வேறு நடவடிக்கைகளை மேற்கொண்டு வருகிறார்கள்.அந்த வகையில் விளையாட்டு வீரர்களாகிய உங்கள் தேவைகள் அனைத்தையும் செய்துத்தர தயாராக உள்ளேன்.