மதுராந்தகம்,பெருந்துறை, தாராபுரம் ஆகிய 3 தொகுதிகள் காலியானதாக அறிவிப்பு

ராஜினாமா

அவர்கள் சபாநாயகர் ஜே.சி.டி.பிரபாகரை நேரில் சந்தித்து தங்களது ராஜினாமா கடிதத்தை கொடுத்தனர். இந்த விவரம் காட்டுத்தீபோல் பரவியது.

இவர்கள் 3 பேரும் த.வெ.க. அரசுக்கு ஆதரவு வழங்கிய முன்னாள் அமைச்சர் எஸ்.பி.வேலு மணி தரப்பை சேர்ந்தவர்கள். அ.தி.மு.க. எம்.எல்.ஏ.க்கள் 3 பேரின் ராஜினாமாவை சபாநாயகரும் உடனடியாக ஏற்றுக் கொண்டார்.

ராஜினாமா கடிதம் வழங்கிய கையோடு, அந்த 3 பேரும் அதே தலைமைச்செயலக வளாகத் தில் பொதுப்பணித்துறை அமைச்சர் ஆதவ் அர்ஜுனாவை சந்தித்தனர். அவர்கள் அமைச்சருக்கு சால்வை அணிவித்து, தங்களை த.வெ.க.வில் இணைத்துக்கொண்டனர். அப்போது அவர்களுக்கு அமைச்சர் ஆதவ் அர்ஜுனாவும் பொன்னாடை போர்த்தினார். சிறிது நேரம் அந்த அறையில் அவர்கள் பேசினார்கள்.

இந்தநிலையில், அதிமுக எம்.எல்.ஏக்கள் 3 பேர் ராஜினாமா செய்த நிலையில், மதுராந்தகம், பெருந்துறை, தாராபுரம் ஆகிய தொகுதிகள் காலி என அரசிதழில் வெளியிடப்பட்டுள்ளது.

மூவரின் ராஜினாமாவை ஏற்ககூடாது என எடப்பாடி பழனிசாமி வலியுறுத்த திட்டமிட்டநிலையில் அரசிதழில் வெளியானது.

மதுராந்தகம் மரகதம் குமரவேல், பெருந்துறை ஜெயக்குமார், தாராபுரம் சத்யபாமா ஆகியோர் நேற்று ராஜினாமா செய்தனர்.

அதிமுக எம்.எல்.ஏக்கள் 3 பேரின் ராஜினாமா கடிதத்தை ஏற்கக்கூடாது என சபாநாயகரிடம் அதிமுக எம்.எல்.ஏக்கள் அக்ரி கிருஷ்ணமூர்த்தி, தளவாய் சுந்தரம், இன்பதுரை ஆகியோர் வலியுறுத்தினர். சட்டமன்ற குழு தலைவர், கொறடா உத்தரவரை மீறி வாக்களித்ததால் ராஜினாமாவை ஏற்க கூடாது என கோரிக்கை வைத்தனர்.

கொறடா உத்தரவை மீறியது தொடர்பான அ.தி.மு.க. மனு மீது நடவடிக்கை எடுக்காமல் ராஜினாமா முடிவை எப்படி சபாநாயகர் ஏற்கலாம் என அவர்கள் கேள்வி எழுப்பியதாக கூறப்படுகிறது.