அதிமுக தொண்டர்களை திசை திருப்புவதற்கு எத்தனை ஆயுதங்களை திமுக எடுத்தாலும் அது கைகூடாது - ஆர்.பி. உதயகுமார்

நாளை சட்டமன்ற தேர்தல் முடிவுகள் வெளியாக இருக்கின்றன. இந்நேரம் நாளை மதியம் 2 மணிக்குள் எந்த கட்சி லீடிங்கில் உள்ளது என்பது தெரிந்துவிடும். ஆனாலும் மாலை வரை தேர்தல் இறுதி முடிவிற்காக காத்துகொண்டு தான் இருக்க வேண்டும். ஏனென்றால் எந்த நேரத்திலும் முடிவுகள் மாறக்கூடும். அதுவும் இந்த தேர்தல் கணிக்கமுடியாத ஒரு தேர்தலாகவே இருக்கின்றது. கருத்து கணிப்புகளை வைத்து கூட இந்த கட்சி தான் வெற்றிபெறும் என உறுதியாக சொல்ல முடியவில்லை.

அந்தளவிற்கு இந்த தேர்தலில் பலத்த போட்டி இருக்கும் என தெரிகின்றது. மும்முனை போட்டியாக இல்லாமல் நான்கு முனை போட்டியாக இந்த தேர்தல் அமைந்திருக்கின்றது. கருத்து கணிப்புகள் எப்படி இருந்தாலும் நாங்கள் வெல்லப்போவது உறுதி என அந்தந்த கட்சியை சேர்ந்தவர்கள் நம்பிக்கை தெரிவித்து வருகின்றனர். அந்த வகையில் அதிமுக முன்னாள் அமைச்சர் ஆர்.பி உதயகுமார் அதிமுக கூட்டணியின் வெற்றி குறித்து நம்பிக்கை தெரிவித்து பேசியிருக்கிறார்.