இதுதொடர்பான அந்த விளக்கத்தில், "தேசிய தேர்வு முகமையால் நடத்தப்படும் தேர்வில் பங்கேற்க வருபவர்கள், நாடாளுமன்ற தேர்தலில் வாக்களித்து, விரல்களில் மை வைத்திருந்தால் தேர்வு கூடங்களுக்குள் நுழைய தடை விதிக்கப்படும் என்று சமூக வலைதளங்களில் செய்திகள் பரவி வருவதாக தேசிய தேர்வு முகமைக்கு தகவல்கள் வந்தன. இந்த செய்திகள் முற்றிலும் ஆதாரமற்றவை. இதுபோன்ற அறிவுறுத்தல்கள், வழிகாட்டுதல் எதையும் தேசிய தேர்வு முகமை வெளியிடவில்லை. இந்த வதந்திகளுக்கு மாணவர்கள் செவிசாய்க்க வேண்டாம். ஆகவே தேர்வர்கள் தங்களுடைய வாக்குரிமையை செலுத்தலாம். வாக்களிப்பது அவர்களின் தேர்வுக்கான தகுதியை எந்தவிதத்திலும் பாதிக்காது" என்று அதில் தெரிவிக்கப்பட்டுள்ளது.