முதல்-அமைச்சர் விஜயுடன் கல்லூரியில் பயணித்தேன்..சினிமாத் துறையில் பயணித்தேன்..கடைசி வரை அவருடன் இருப்பேன் - அமைச்சர் ஸ்ரீநாத் பேட்டி

இந்த நிலையில், புதிதாக பதவி ஏற்றுள்ள அமைச்சர்களுக்கு துறைகள் ஒதுக்கீடு செய்து கவர்னர் அர்லேகர் அதிகாரப்பூர்வ அறிவிப்பு வெளியிட்டுள்ளார். விஜயின் நண்பரும் தூத்துக்குடி எம்.எல்.ஏ.வுமான ஸ்ரீநாத்திற்கு தமிழக அமைச்சரவையில் மீன்வளம் மற்றும் மீனவர் நலத்துறை ஒதுக்கப்பட்டுள்ளது.

இது குறித்து அவர் செய்தியாளர் சந்திப்பில் கூறியதாவது:-

எனது தலைவர்களுக்கு நான் நன்றிக்கடன் பட்டிருக்கிறேன். நாங்கள் அனைத்துத் தடைகளையும் உடைப்போம். நமது மக்கள் சந்தித்து வரும் அனைத்துப் பிரச்சினைகளையும் நான் சரிசெய்து, அவர்கள் அமைதியான சமூக வாழ்க்கையை வாழ்வதை உறுதி செய்வேன். மீனவர்கள் பாதுகாப்பாகவும் பத்திரமாகவும் இருப்பதையும், மற்றவர்களுக்கு எந்த இடையூறும் இன்றி அவர்கள் தங்கள் வேலையைச் செய்வதையும் நாங்கள் உறுதி செய்வோம்.

முதல் நாளிலிருந்தே, எனது தலைவரிடமிருந்து ஒரு நண்பராக நான் நிறைய கற்று வருகிறேன்.

அவரோடு கல்லூரியில் பயணித்தேன், சினிமாத் துறையில் பயணித்தேன்.இப்பொழுது அரசியலில் பயணிக்கிறேன். இப்போது ஒரு அரசியல்வாதியாக அவரிடமிருந்து நான் தினமும் நிறைய கற்றுக்கொள்கிறேன். அவர் எப்போதும் ஒரு சிறந்த தலைவராக இருப்பார். அவருடைய ஒழுக்கம், நேரந்தவறாமை, நேர்மை மற்றும் கருணை ஆகியவற்றை நான் எப்போதும் பின்பற்றுவேன். கடைசிவரை அவருடன் இருப்பேன் என்றார்.