தமிழ்நாடு சிறுபான்மை ஆணைய தலைவர் பீட்டர் அல்போன்ஸ் கடையநல்லூர் அருகே சுந்தரேசபுரத்தில் காங்கிரஸ் கொடியை ஏற்றினார். பின்னர் அவர் நிருபர்களிடம் கூறியதாவது:-

தமிழகத்தில் எந்த ஒரு புதிய திட்டம் தொடங்கப்பட்டாலும் அதற்கு எதிராக பேசும் வழக்கத்தை பா.ஜனதா மாநில தலைவர் அண்ணாமலை வைத்திருக்கிறார். கல்லூரிகளில் பயிலும் மாணவிகளுக்கு ரூ.1,000 வழங்கும் திட்டம் இந்தியாவில் எந்த மாநிலத்திலும் இல்லாத திட்டம். இந்த ஆயிரம் ரூபாய், ஏழை மாணவிகளுக்கு உதவிக்கரமாக இருக்கும். இப்படி ஏழைகளுக்கு கொடுக்கும் இலவசங்களை தான் பா.ஜனதா கொச்சைப்படுத்தி வருகிறது.