மக்கள் எங்களுக்கு கொஞ்சம் கால அவகாசம் வழங்க வேண்டும்: அமைச்சர்கள் வேண்டுகோள்

திருப்பூர் மாவட்ட வளர்ச்சித்திட்டப்பணிகள் குறித்து துறை சார்ந்த அலுவலர்களுடன் ஆய்வுக்கூட்டம் திருப்பூர் கலெக்டர் அலுவலக கூட்ட அரங்கில் நடைபெற்றது. திருப்பூர் மாவட்ட பொறுப்பு அமைச்சரான தமிழக சுகாதாரத்துறை அமைச்சர் அருண்ராஜ், வருவாய்த்துறை அமைச்சர் செங்கோட்டையன், கால்நடை பராமரிப்புத்துறை அமைச்சர் கமலி ஆகியோர் தலைமை தாங்கினார்கள்.

கூட்டத்தில் சுகாதாரத்துறை அமைச்சர் அருண்ராஜ் நிருபர்களிடம் கூறியதாவது:-

த.வெ.க. அரசின் திட்டம், நோக்கம் குறித்து அரசு அதிகாரிகளிடம் தெரிவிக்கும் வகையில் இந்த ஆய்வுக்கூட்டம் நடந்துள்ளது. நேர்மையான, வெளிப்படையான, லஞ்சம், ஊழலற்ற நிர்வாகத்தை கொடுக்க வேண்டும் என்பதே முதல்-அமைச்சர் விஜய்யின் நோக்கம். அதுபோல் அரசு அதிகாரிகளும் இருக்க வேண்டும் என்று அவர் இலக்கு வைத்துள்ளார். அரசின் முக்கிய அங்கமாக அரசு அதிகாரிகள் உள்ளனர். அவர்கள் தான் மக்களை நேரடியாக சந்தித்து சேவை செய்கிறார்கள். தூய்மையான ஆட்சி அமைய வேண்டும் என்பதே நோக்கம். ஆட்சி பொறுப்பேற்றதில் இருந்து ஒவ்வொரு துறையிலும் லஞ்சம், ஊழல் ஒழிக்கப்பட்டு வருகிறது.