கடந்த நவம்பர் மாதம் வாக்காளர் வரைவு பட்டியல் வெளியிடப்பட்டது. அதைத் தொடர்ந்து வாக்காளர் பட்டியலில் பெயர் சேர்த்தல் மற்றும் நீக்குதல் பணியினை தேர்தல் ஆணையம் தீவிரப்படுத்தியது. தமிழகம் முழுவதும் மாவட்ட கலெக்டர்கள் மூலம் இந்த பணி நடைபெற்று வருகிறது.

முன்னதாக நவம்பர் மாதம் 21, 22 ஆகிய தேதிகளில் சிறப்பு முகாம்கள் நடத்தப்பட்டன. இந்த முகாம்கள் மூலம் வாக்காளர் பட்டியலில் பெயர் சேர்ப்பு, நீக்கலுக்காக மட்டும் 13 லட்சத்து 46 ஆயிரத்து 907 விண்ணப்ப படிவங்கள் அளிக்கப்பட்டன. அதில் 21-ம் தேதி 5 லட்சத்து 43 ஆயிரத்து 523 மனுக்களும், 22-ம் தேதி 8 லட்சத்து 3 ஆயிரத்து 380 மனுக்களும் பெறப்பட்டன.