தவெகவினர் உள்பட அரசியல் தலையீடு இன்றி காவல்துறை செயல்பட வேண்டும் : முதல் அமைச்சர் விஜய் அறிவுரை

சென்னை,

முதல்-அமைச்சர் விஜய் தலைமையிலான த.வெ.க. ஆட்சி அமைந்து ஒரு மாதம் கடந்துள்ள நிலையில் சென்னை தலைமைச் செயலகத்தில் மாவட்ட கலெக்டர்கள், போலீஸ் அதிகாரிகள் மாநாடு இன்று தொடங்கியது. தலைமை செயலகத்தில் உள்ள நாமக்கல் கவிஞர் மாளிகையில் நடைபெற்ற இந்த மாநாட்டில் அனைத்து துறை செயலாளர்கள், மாவட்ட கலெக்டர்கள், போலீஸ் அதிகாரிகள், சரக டி.ஐ.ஜி.க்கள், ஐ.ஜி.க்கள், வனத்துறை உயர் அதிகாரிகள் கலந்து கொண்டனர்.மாநாட்டுக்கு வந்த அனைவரையும் தலைமைச் செயலாளர் சாய்குமார் வரவேற்று பேசினார்.அதைத் தொடர்ந்து முதல்-அமைச்சர் விஜய் தொடக்க உரையாற்றினார். தமிழ்நாட்டில் சட்டம்-ஒழுங்கை பரமரிப்பது குறித்தும், பெண்கள் பாதுகாப்பு, போதைப் பொருளை ஒழிப்பது சம்பந்தமாகவும் விரிவாக பேசினார். அதைத்தொடர்ந்து உயர் அதிகாரிகள் பேசினார்கள்.