செல்போனை பறித்த ஆசிரியர்

மேலும் இது தொடர்பாக போலீசார் விசாரித்தபோது, கடந்த வாரம் மோனிஷ், கல்லூரிக்கு செல்போன் எடுத்து சென்றதாகவும், அதனை வாங்கி வைத்துக்கொண்ட ஆசிரியர், பெற்றோரை அழைத்து வரும்படி கூறியதாகவும் தெரிகிறது.

நேற்று காலை மோனிஷ், கல்லூரியில் தேர்வு எழுத இருந்தார். இதற்காக கல்லூரிக்கு வந்த அவர், செல்போனை கேட்டு ஆசிரியரிடம் வாக்குவாதம் செய்தார். ஆனால் அவர், பெற்றோரை அழைத்து வந்தால்தான் செல்போனை தருவேன் என்று கூறியதாக தெரிகிறது. இதனால் மோனிஷ், தேர்வு கூட எழுதாமல் கல்லூரியில் இருந்து வெளியே சென்று விட்டார்.

தற்கொலையா?

இதுபற்றி மோனிஷின் தந்தைக்கு கல்லூரி நிர்வாகம் தகவல் கொடுத்தது. இதனால் அதிர்ச்சி அடைந்த தண்டபாணி, திருமுல்லைவாயல் போலீஸ் நிலையத்தில் தனது மகனை காணவில்லை என்று புகார் கொடுக்க சென்றார். அப்போதுதான் தோண்டபாணிக்கு, அவரது மகன் ரெயிலில் அடிபட்டு இறந்துபோன செய்தியை ஆவடி ரெயில்வே போலீசார் தெரிவித்தனர். உடனடியாக ஆவடி ரெயில்வே போலீஸ் நிலையம் சென்ற அவர், மகனின் உடலை பார்த்து கதறி அழுதார்.

எனவே செல்போனை ஆசிரியர் பறித்ததால் மோனிஷ், ரெயில் முன் பாய்ந்து தற்கொலை செய்து கொண்டாரா? என்ற கோணத்தில் போலீசார் விசாரித்து வருகின்றனர்.