மதனை தொடர்ந்து போலீசார் தேடி வந்த நிலையில், அவர் தர்மபுரியில் தனது நண்பர் வீட்டில் தங்கி இருப்பதாக சைபர் கிரைம் போலீசாருக்கு தகவல் கிடைத்தது. இதையடுத்து தனிப்படை போலீசார், நேற்று காலை மதனை சுற்றி வளைத்து கைது செய்தனர். அவர் உடனடியாக சென்னை அழைத்து வரப்பட்டார். அவரிடம் தீவிர விசாரணை நடத்தப்பட்டது. அவரிடம் இருந்து ஆடி சொகுசு கார், 4 லேப் டாப்கள் மற்றும் டிரோன் கேமரா ஒன்றும் பறிமுதல் செய்யப்பட்டது.

சென்னை மாநகர காவல் ஆணையர் அலுவலகத்தில் மதனிடம் விசாரணை நடத்தப்பட்டது. இதன் பிறகு சைதாப்பேட்டை நீதிமன்றத்தில் மதனை போலீசார் ஆஜர்படுத்தினர். மதனிடம் இருந்து கைப்பற்றப்பட்ட 700 வீடியோக்களிலும் ஆபாசமாக பேசியது மதன் தான் என்பது உறுதி செய்யப்பட்டதையடுத்து அவரை 14 நாள் நீதிமன்ற காவலில் வைக்க கோர்ட்டு உத்தரவிட்டது. இதையடுத்து மதன் தற்போது பூந்தமல்லி சிறைக்கு அழைத்துச் செல்லப்பட்டுள்ளார்.