10, 12-ம் வகுப்பு மாணவர்களுக்கு 2 கட்டங்களாக திருப்புதல் தேர்வு நடத்தப்படுகிறது. அதன்படி முதல் திருப்புதல் தேர்வு கடந்த 9-ந்தேதி மாணவர்களுக்கு தொடங்கியது. இதில் 10-ந்தேதி நடைபெற இருந்த தேர்வை தவிர, மற்ற 3 நாட்களில் தேர்வு நடந்து முடிந்து இருந்த நிலையில், நேற்று நடைபெற்ற தேர்வுக்கான வினாத்தாள் சமூக வலைதளங்களில் நேற்று முன்தினம் முன்கூட்டியே வெளியான சம்பவம் பெரும் பரபரப்பை ஏற்படுத்தியது.

அந்தவகையில் நேற்று நடைபெற்ற 10-ம் வகுப்பு அறிவியல் தேர்வு, 12-ம் வகுப்பு கணிதம் தேர்வு வினாத்தாள்கள் சமூக வலைதளங்களில் வெளியாகி இருந்தது. இந்த வினாத்தாள் திருவண்ணாமலை மாவட்டத்தில் இருந்து வெளியாகிய விவரங்கள் நேற்று முன்தினம் இரவு தெரியவந்தது. இது தொடர்பாக கல்வித்துறை அதிகாரிகள் விசாரணை நடத்தி வருகிறார்கள்.