வெளி மாநிலங்களில் இருந்து சென்னை வரும் பயணிகள் ஆன்லைனில் இ-பாஸ் விண்ணப்பித்து பெற்று கொள்ளவும் அறிவுறுத்தப்பட்டது. இதனால் வெளிமாநிலங்களில் இருந்து வரும் பயணிகள் கடும் சிரமத்துக்கு உள்ளாயினர். மீண்டும் விமான நிலையத்தில் இ-பாஸ் கவுண்ட்டர்களை திறக்கவும் கோரிக்கை விடுத்தனர். இதையடுத்து விமான நிலைய அதிகாரிகள், பயணிகள் கோரிக்கையை ஏற்று நேற்று மாலை முதல் இ-பாஸ் கவுண்ட்டர்களை மீண்டும் திறக்க நடவடிக்கை எடுத்தனர். இதனால் 2 நாட்களாக அவதிப்பட்டு வந்த வெளிமாநில பயணிகள் நிம்மதி அடைந்தனர்.