பொதுமக்கள் அச்சம்

மேலும் இங்குள்ள வணிக வளாகங்கள், உணவகங்கள், வீடுகளை சுற்றியும் பன்றிகள் சுற்றித் திரிவதால் கோவிலுக்கு வரும் பக்தர்களுக்கு இடையூறு ஏற்படுகிறது. மேலும் அருகில் உள்ள புதுச்சேரி மாநிலம் காரைக்காலில் காலரா நோய் தொற்று பரவி வருகிறது. இந்தநிலையில் திருக்கடையூரில் பன்றிகளால் சுகாதார சீர்கேடு ஏற்பட்டு தொற்று நோய் பரவும் அபாயம் ஏற்பட்டு உள்ளதாக பொதுமக்கள் அச்சம் தெரிவிக்கின்றனர்.இருசக்கர வாகனங்களில் செல்லும்போது பன்றிகள் திடீரென சாலையின் குறுக்கே ஓடுவதால் அடிக்கடி விபத்து ஏற்படுகிறது. எனவே திருக்கடையூர் பகுதியில் சுற்றித்திரியும் பன்றிகளை பிடித்து அப்புறப்படுத்த சம்பந்தப்பட்ட அதிகாரிகள் நடவடிக்கை எடுக்க வேண்டும் என அப்பகுதி பொதுமக்கள் கோரிக்கை விடுத்துள்ளனர்.