திருவையாறு அருகே உள்ள கீழப்புனவாசலை சேர்ந்த ஜெயபால் மகன் ஜான்சைமன்(வயது35). இவர் தனியார் சிமெண்டு ஆலையில் எலக்ட்ரீசியனாக பணிபுரிந்து வந்தார். இவருக்கு கேத்திரின் கிரிஜா(25) என்ற பெண்ணுக்கும் கடந்த 2 மாதங்களுக்கு முன்பு திருமணம் நடைபெற்றது. நேற்று முன்தினம் ஜான் சைமன் தனது வேலை முடித்து கொண்டு மோட்டார் சைக்கிளில் திருவையாறில் இருந்து அரியலூர் சாலை வழியாக புனவாசலுக்கு சென்றுகொண்டு இருந்தார். புனவாசல் பிரிவு சாலை அருகே வந்த போது சாலையில் காய வைத்திருந்த நெற்குவியல் மீது மோட்டார் சைக்கிள் மோதி அவர் கீழே விழுந்தார்.