இதற்கிடையே, அங்கு வந்த நாகமலைபுதுக்கோட்டை போலீஸ் இன்ஸ்பெக்டர் வசந்தி, நான் தொழில் நிமித்தமாக வைத்திருந்த ரூ.10 லட்சத்தை பறித்து விட்டார். அதுபற்றி கேட்டபோது மறுநாள் போலீஸ் நிலையத்தில் வந்து வாங்கிக்கொள் என கூறிவிட்டு சென்றார். மறுநாள் சென்று கேட்டபோது நீ கொடுத்த பையில் நோட்டு புத்தகம் தான் இருந்தது, பணம் இல்லை என கூறினார். மீண்டும் வந்து பணம்கேட்டால், கஞ்சா வழக்கு போட்டு கைது செய்து விடுவேன் என மிரட்டினார். அதிகாரத்தை தவறாக பயன்படுத்தி மிரட்டி பணம் பறித்த போலீஸ் இன்ஸ்பெக்டர் மீதும், அவருக்கு உடந்தையாக இருந்தவர்கள் மீதும் நடவடிக்கை எடுக்க வேண்டும்.

இவ்வாறு மனுவில் கூறி இருந்தார்.

இதுகுறித்து உரிய விசாரணை நடத்தும்படி, கூடுதல் சூப்பிரண்டு சந்திரமவுலிக்கு, போலீஸ் சூப்பிரண்டு பாஸ்கரன் உத்தரவிட்டார். விசாரணையில், போலீஸ் இன்ஸ்பெக்டர் வசந்தி பணம் பறித்தது தெரியவந்தது. மேலும், இதில் உக்கிரபாண்டியன், பால்பாண்டி, பாண்டியராஜா மற்றும் கார்த்திக் ஆகியோருக்கும் தொடர்பிருப்பது தெரியவந்தது.

இதனை தொடர்ந்து, போலீஸ் சூப்பிரண்டு உத்தரவின் பேரில் இன்ஸ்பெக்டர் வசந்தி உள்ளிட்ட 5 பேர் மீது மதுரை மாவட்ட குற்றப்பிரிவு போலீசார் வழக்குப்பதிவு செய்து விசாரித்து வருகின்றனர்.

இந்த வழக்கில் இதுவரை ரூ2,26,000 பணம் கைப்பற்றப்பட்டுள்ள நிலையில், தலைமறைவாக இருந்த மதுரை நாகமலை இன்ஸ்பெக்டர் வசந்தியை ஏற்கனவே பணியிடை நீக்கம் செய்யப்பட்டுள்ள நிலையில் தலைமறைவாக இருந்தார். இதையடுத்து தற்போது தனிப்படையினர் இன்ஸ்பெக்டர் வசந்தியை கைது செய்துள்ளனர்.