கலவரம் உச்ச கட்டத்தை அடைந்த பிறகு சட்டசபை பாதுகாப்பு பணியில் இருந்த போலீஸ் படையினர், துணை கமிஷனர் கோபி, உதவி கமிஷனர் ரமேஷ், இன்ஸ்பெக்டர் வனிதா ஆகியோர் தலைமையில் பச்சையப்பன் கல்லூரிக்குள் நுழைந்தனர். போலீசை பார்த்ததும் மாணவர்கள் மேலும் பதற்றமடைந்து சிதறி ஓடினார்கள். மெயின் ரோட்டுக்கு வந்த மாணவர்கள் பஸ் போன்ற வாகனங்களில் ஏறி தப்பி சென்றனர்.

போலீசார் குவிக்கப்பட்டதும், கலவரம் ஓய்ந்து அமைதியானது. கல்லூரி வளாகம் முழுவதும் கற்கள் சிதறி கிடந்தன. இந்த மோதல் சம்பவம் தொடர்பாக இருதரப்பினர் மீதும் கீழ்ப்பாக்கம் போலீசார் வழக்குப்பதிவு செய்து விசாரணை நடத்தினார்கள்.

இருதரப்பையும் சேர்ந்த புருசோத்தமன், ஆனந்தன், பிரசாந்த் ஆகிய 3 மாணவர்கள் கைது செய்யப்பட்டனர். தடை உத்தரவு பிறப்பிக்கப்பட்டு பச்சையப்பன் கல்லூரி முன்பு போலீஸ் பாதுகாப்பு போடப்பட்டுள்ளது.