நீண்ட காலம் பிரதமராக பணியாற்றியது என்பது வெறும் அரசியல் சாதனை மட்டுமல்ல - மோடிக்கு ராமதாஸ் வாழ்த்து

நீண்ட காலம் பிரதமராக பணியாற்றிய பெருமை என்பது வெறும் அரசியல் சாதனை மட்டுமல்ல; மக்களின் நம்பிக்கையையும் ஆதரவையும் தொடர்ந்து பெற்றதற்கான அங்கீகாரமாகும். அந்த வகையில், நாட்டின் முன்னேற்றத்திற்காகவும், தமிழக மக்களின் நலனுக்காகவும், மேலும் பல மக்கள் நலத் திட்டங்களையும் வளர்ச்சித் திட்டங்களையும் செயல்படுத்தி இந்தியாவை உயர்ந்த நிலைக்கு கொண்டு செல்ல பிரதமர் மோடி தொடர்ந்து பாடுபட வேண்டும் என்று வாழ்த்துகிறேன்.

இந்திய அரசியல் வரலாற்றில் நேருவின் சாதனையைத் தொடர்ந்து புதிய மைல்கல்லை எட்டியுள்ள பிரதமர் நரேந்திர மோடிக்கு மீண்டும் ஒருமுறை எனது பாராட்டுகளையும் வாழ்த்துகளையும் தெரிவித்துக் கொள்கிறேன். இவ்வாறு அதில் தெரிவித்துள்ளார்.