பள்ளி மாணவிக்கு பாலியல் தொல்லை...அதிரடி நடவடிக்கை எடுத்த சிங்கப்பெண் படை

இந்தநிலையில், மாநகர பகுதியில் உள்ள பள்ளியில் படித்து வரும் 12-ம் வகுப்பு மாணவி ஒருவர், வீட்டுக்கு செல்வதற்காக தெற்குவாசல் பஸ் நிறுத்ததில் நின்று கொண்டிருந்தார். அப்போது, அந்த வழியாக வந்த ஷேர் ஆட்டோ டிரைவர் ஒருவர் அந்த மாணவிக்கு பாலியல் தொல்லை கொடுத்ததாக தெரிகிறது. இதுகுறித்து அந்த மாணவி, சிங்கபெண் சிறப்பு படையினருக்கு தகவல் தெரிவித்தார். அதன்பேரில், சம்பவ இடத்திற்கு சிங்கப்பெண் சிறப்பு பிரிவினர் விரைந்து சென்று, அந்த மாணவியிடம், நடந்த விபரங்களை கேட்டறிந்து, அவருடைய தந்தைக்கு தகவல் தெரிவித்தனர். இதனை தொடர்ந்து மாணவியின் தந்தை, அளித்த புகாரின் பேரில் தெற்கு அனைத்து மகளிர் போலீசார் வழக்குப்பதிவு செய்து விசாரித்தனர்.