அதிர்ச்சி சம்பவம்.. வீடு புகுந்து கத்தியால் குத்தி மீனவர் படுகொலை.. காரணம் என்ன..?

இந்த நிலையில் நேற்றுமுன்தினம் மாலையில் ஜாஸ்மின் லலிதா வெளியூரில் நர்சிங் படிக்கும் தனது மகளை அழைத்து வருவதற்காக நாகர்கோவில் வடசேரி பஸ் நிலையம் வந்தார். அவருக்கு துணையாக சகோதரி மேரிகலாவும் சென்றார். இதனால் புஷ்பநாதன் மட்டும் வீட்டில் தனியாக இருந்தார்.

குத்தி கொலை

இரவான நிலையில் ராஜன் அங்கு சென்றுள்ளார். தனது மனைவி எங்கே? என புஷ்பநாதனிடம் கேட்டார். அதற்கு அவர் உரிய காரணத்தை கூற, ராஜன் ஆவேசமாக திட்டியுள்ளார். பிறகு இருவருக்கும் இடையே வாக்குவாதம் முற்றியது.

இதில் ஆத்திரம் அடைந்த ராஜன், எல்லா பிரச்சினைக்கும் நீதான் காரணம் என கூறி திடீரென மறைத்து வைத்திருந்த கத்தியை எடுத்துள்ளார். பிறகு கழுத்து, மார்பு பகுதியில் குத்தினார். இதனை சற்றும் எதிர்பார்க்காத புஷ்பநாதன் கத்திக்குத்து காயங்களுடன் அலறினார். பின்னர் அங்கிருந்து தலைதெறிக்க ஓடி வீதிக்கு வந்தார். எனினும் விடாமல் துரத்திய ராஜன் அவரை சரமாரியாக குத்தினார்.

இதற்கிடையே சத்தம் கேட்டு அக்கம் பக்கத்தினர் ஓடி வந்தனர். உடனே ராஜன் அங்கிருந்து தப்பி ஓடினார். பிறகு வீதியில் ரத்த வெள்ளத்தில் உயிருக்காக போராடிய அவரை மீட்டு சிகிச்சைக்காக குளச்சல் அரசு ஆஸ்பத்திரிக்கு கொண்டு சென்றனர். ஆனால் செல்லும் வழியிலேயே அவர் பரிதாபமாக இறந்தார்.

பரபரப்பு

இதுபற்றி தகவல் அறிந்ததும் போலீசார், கொல்லப்பட்ட புஷ்பநாதன் உடலை கைப்பற்றி பிரேத பரிசோதனைக்காக அரசு ஆஸ்பத்திரிக்கு அனுப்பி வைத்தனர்.

மேலும் இந்த கொலை தொடர்பாக போலீசார் வழக்குப்பதிவு செய்து தப்பி ஓடிய ராஜனை கைது செய்தனர். மீனவரை, மனைவியின் தங்கை கணவர் குத்திக் கொன்ற சம்பவம் குளச்சல் பகுதியில் பெரும் பரபரப்பை ஏற்படுத்தியது.