தற்போது ஆக்சிஜன் உற்பத்தி செய்வதற்காக உபயோகப்படுத்திய எண்ணெயை வெளியேற்றவும் மற்றும் ஆக்சிஜன் உற்பத்தி செய்த எந்திரங்களை சரி செய்யவும் உள்ளூர் உயர்மட்டக்குழு மற்றும் தூத்துக்குடி மாவட்ட கலெக்டர் ஆகியோரிடம் அனுமதி கேட்கப்பட்டது. அதற்கு இதுவரை எந்த பதிலும் இல்லை. எனவே ஆக்சிஜன் தயாரிக்க உபயோகப்படுத்திய எண்ணெய், மூலப்பொருட்கள், கழிவுகளை வெளியேற்ற அனுமதித்து இடைக்கால உத்தரவு பிறப்பிக்க வேண்டும். ஏற்கனவே இங்கு வைக்கப்பட்டுள்ள மூலப்பொருட்கள் மற்றும் கழிவுகளை வெளியேற்றவும் அனுமதி அளித்து உத்தரவிட வேண்டும்.

இவ்வாறு மனுவில் கூறியிருந்தார்.

அனுமதிக்க முடியாது

இந்த மனு தலைமை நீதிபதி சஞ்சீவ் பானர்ஜி, நீதிபதி துரைசாமி ஆகியோர் முன்பு விசாரணைக்கு வந்தது. அப்போது அரசு தரப்பில் கூடுதல் அட்வகேட் ஜெனரல் வீராகதிரவன் ஆஜராகி, தூத்துக்குடி மாவட்ட கலெக்டர் தரப்பில் பதில் அறிக்கையை தாக்கல் செய்தார். அதில், மருத்துவ அவசர நிலை கருதியே ஸ்டெர்லைட் ஆலையில் ஆக்சிஜன் தயாரிக்க அனுமதி வழங்கப்பட்டது. மூலப்பொருட்களை அகற்ற ஸ்டெர்லைட் ஆலை தரப்பில் அனுமதி கோரியபின், அமைக்கப்பட்ட சிறப்புக்குழு, அனுமதி வழங்க பரிந்துரைக்கவில்லை. மாசு கட்டுப்பாட்டு வாரியமும் பரிந்துரைக்கவில்லை. இந்த நிறுவனம் சம்பந்தப்பட்ட பிரதான வழக்கு சுப்ரீம் கோர்ட்டில் நிலுவையில் உள்ளது. இந்தநிலையில், அந்த நிறுவனத்தில் உள்ள கழிவுகள் மற்றும் மூலப்பொருட்களை வெளியேற்ற அனுமதி அளிக்க இயலாது. எனவே இந்த மனுவை தள்ளுபடி செய்ய வேண்டும் என கூறப்பட்டிருந்தது.

இதற்கிடையே அடுத்தகட்ட நிலை குறித்து தெரிவிக்க ஸ்டெர்லைட் நிறுவனம் தரப்பில் கால அவகாசம் கோரப்பட்டது. இதை ஏற்றுக்கொண்ட நீதிபதிகள், வழக்கை ஒரு வாரத்திற்கு ஒத்திவைத்தனர்.