இந்த நிலையில் அஜித் கடந்த சில மாதங்களுக்கு முன்பு மாணவியை தனது வீட்டுக்கு வரவழைத்து திருமணம் செய்து கொள்வதாக ஆசைவார்த்தை கூறி கட்டாயப்படுத்தி அவரிடம் உல்லாசம் அனுபவித்ததாக கூறப்படுகிறது. சம்பவத்தன்றும் அஜித் மாணவியிடம் திருமணம் செய்து கொள்வதாக கூறி அவரை வீட்டுக்கு வரவழைத்தார். இதை உண்மை என நம்பி சென்ற மாணவியை அஜித் திருமணம் செய்ய மறுத்ததோடு அவரது பெற்றோருடன் சேர்ந்து திட்டி விரட்டியதாக கூறப்படுகிறது. இதுகுறித்த மாணவி கொடுத்த புகாரின் பேரில் கள்ளக்குறிச்சி அனைத்து மகளிர் போலீசார் போக்சோ சட்டத்தின் கீழ் வழக்குப்பதிவு செய்து அஜித்தை கைது செய்தனர். மேலும் அஜித்தின் தாய், தந்தை மீது வழக்குப்பதிவு செய்து விசாரணை நடத்தி வருகிறார்கள்.