குமரி மாவட்டத்தில் ‘திடீர்’ மழை; வெப்பம் தணிந்ததால் பொதுமக்கள் மகிழ்ச்சி

நாகர்கோவில்,

கேரளம் மாநிலத்தில் தென்மேற்கு பருவமழை தொடங்கியபோது குமரி மாவட்டத்திலும் மழை பெய்தது. மாவட்டத்தில் பரவலாக அனைத்து இடங்களிலும் தொடர்ந்து மழை பெய்ததால் பல நாட்கள் குளுகுளு சீசன் நிலவியது. ஆனால் ஒரு வார காலமே அந்த சீதோஷ்ண நிலை இருந்தது. அதன்பிறகு பகல் நேரத்தில் வெயில் அடிக்கத் தொடங்கியது. குமரி மாவட்டத்தில் கடந்த சில நாட்களாக சுட்டெரிக்கும் வெயில் வாட்டி வதைத்தது. பகல் நேரம் மட்டுமின்றி, மாலை 4 மணி வரையிலும் மக்கள் வெளியே சென்று வர முடியாத அளவுக்கு வெயிலின் தாக்கம் கடுமையாக இருந்தது.