கோடை விடுமுறை: ஊட்டி மலை ரெயிலில் செல்ல அலைமோதும் பயணிகள்

குன்னூர்,

நீலகிரியில் கோடை சீசனை முன்னிட்டு தமிழகம் மட்டுமின்றி கேரளம், கர்நாடகா, ஆந்திரா உள்ளிட்ட மாநிலங்கள் மற்றும் வெளிநாடுகளை சேர்ந்த ஏராளமான சுற்றுலா பயணிகள் ஊட்டியில் குவிந்து வருகின்றனர்.அவர்களில் பெரும்பாலானோர் மலை ரெயிலில் பயணிக்க அதிக ஆர்வம் காட்டி வருகின்றனர். இதனை கருத்தில் கொண்டு சுற்றுலா பயணிகளின் வசதிக்காக மேட்டுப்பாளையம்-ஊட்டி, கேத்தி-ஊட்டி இடையே சிறப்பு ரெயில்கள் இயக்கப்பட்டு வருகின்றன.அந்த மலை ரெயில்களில் தினமும் ஏராளமான பயணிகள் பயணித்து அங்குள்ள பல்வேறு சுற்றுலா தலங்களை கண்டு களித்து திரும்புகின்றனர். ஊட்டி மலை ரெயிலில் பயணம் மேற்கொள்ள ஆன்லைன் மூலமாகவும், நேரடியாகவும் முன்பதிவுகள் நடைபெற்று வருகின்றன.