நடிகர் விஜய் தொடங்கி உள்ள தமிழக வெற்றிக்கழக முதல் மாநில மாநாடு அடுத்த மாதம் (அக்டோபர்) 27-ந்தேதி விக்கிரவாண்டியில் நடைபெற உள்ளது. இதை முன்னிட்டு தமிழகம் முழுவதும் கட்சிக்கொடியை ஏற்றி நல உதவிகளை கட்சியினர் வழங்கி வருகின்றனர். ஈரோடு ராஜாஜிபுரத்தில் கடந்த 3 மாதங்களுக்கு முன்பு தமிழக வெற்றிக்கழகம் சார்பில் கொடிக்கம்பம் நடப்பட்டது. கட்சிக்கொடி ஏற்றுவதற்காக ஈரோடு மாநகராட்சியில் கட்சி நிர்வாகிகள் அனுமதி கடிதம் கொடுத்து உள்ளனர்.

இந்த நிலையில் கட்சி கொடியேற்று விழாவை நேற்று நடத்துவதற்கு முன்னேற்பாடுகளை கட்சியினர் செய்து வந்தனர். இதுகுறித்த தகவல் கிடைத்ததும் போலீசார் நேற்று முன்தினம் இரவு அங்கு சென்று கட்சியினரிடம் பேச்சுவார்த்தை நடத்தினர்.