உடனடியாக பதிண்டா விமான நிலையத்திற்கே பிரதமர் மோடி திரும்பிச்சென்றார். பாதுகாப்பு குறைபாடுகளால் பிரதமர் மோடியின் நிகழ்ச்சி ரத்து செய்யப்பட்டது பெரும் பரபரப்பு ஏற்படுத்தியது.

பஞ்சாபில் பிரதமர் பாதுகாப்பு மீறல் தொடர்புடைய சம்பவத்தில் பெரோஸ்பூர் மாவட்டத்தின் குல்காரி காவல் நிலையத்தில், பிரிவு 283ன் கீழ் அடையாளம் தெரியாத 150 பேர் மீது நேற்று வழக்கு பதிவு செய்யப்பட்டு விசாரணை நடைபெற்று வருகிறது.

இந்த நிலையில், தமிழக காங்கிரஸ் தலைவர் கே.எஸ். அழகிரி கூறும்போது, பிரதமரின் பஞ்சாப் பயணத்தின்போது பாதுகாப்பு மீறல் நடந்தது என குற்றம் சாட்டுவது ஆச்சரியம் ஏற்படுத்துகிறது என கூறியுள்ளார்.

இது ஏற்கெனவே திட்டமிட்ட நாடகமோ? என்ற வலுவான சந்தேகம் ஏற்படுத்துகிறது. பிரதமரின் பயணம் ரத்து செய்யப்பட்டதற்கு பழிவாங்கும் நோக்குடன் மாநில காங்கிரஸ் அரசை கலைக்க மத்திய அரசு ஈடுபடுவது கண்டிக்கத்தக்கது என்றும் அவர் கூறியுள்ளார்.