நாம் தமிழர் கட்சி தலைவர் சீமான் நேற்று முன்தினம் தூத்துக்குடி விமானநிலையத்தில் நிருபர்களுக்கு பேட்டி அளித்தார். அப்போது அவர் கூறியதாவது:-

பா.ஜனதா கட்சி தென்மாநிலங்களான தமிழ்நாடு, புதுச்சேரி மாநிலங்களை கைப்பற்ற குறிவைத்து வருகிறது. அதில் முதலில் புதுச்சேரியை கைப்பற்ற நினைக்கிறது. இதற்காக தான் மோடி அடிக்கடி தமிழகம் வருகிறார். புதுச்சேரி முதல்வர் நாராயணசாமியை கிரண்பெடியை வைத்து இதுவரை செயல்படவிடாமல் தடுத்து வந்தனர். தற்போது, கிரண்பெடியை மாற்றி தமிழிசை சவுந்தரராஜனை கொண்டு வந்து எப்படியாவது பா. ஜனதா ஆட்சி அமைக்க நினைக்கிறது.