‘பி.எம்.ஸ்ரீ' பள்ளித்திட்டத்தில் கையெழுத்திட மத்திய அரசு மீண்டும் ‘கெடு’- புதிய அரசுக்கு முதல் சவால்

புதிய அரசாங்கத்திற்கு காத்திருக்கும் சவால்

புதிய கல்விக் கொள்கையின் கீழ் வரும் 'பி.எம்.ஸ்ரீ' பள்ளித்திட்டத்தில் கையெழுத்திட மத்திய அரசு கெடு விதித்துள்ள சூழலில், இது புதிய அரசாங்கத்துக்கு காத்திருக்கும் முதல் சவாலாக இருக்கப்போகிறது. அதேநேரம், புதிய அரசை அமைக்க முனைப்பு காட்டிவரும் த.வெ.க. தலைமை, தன்னுடைய தேர்தல் அறிக்கையில், 'மத்திய அரசின் புதிய கல் விக்கொள்கையை எதிர்த்து சட்டமன்றத்தில் தீர்மானம் நிறைவேற்றப்படும். இந்தியாவில் உள்ள அனைத்து மாநிலங்களிலும் அவரவர் தாய்மொழி மற்றும் இணைப்பு மொழியாக ஆங்கிலம் என்ற இருமொழிக்கொள் கையை நிறைவேற்ற வலியுறுத்தப்படும்' என்று தெரிவித்து இருந்தது.

அதன்படி பார்க்கையில், புதிய கல்விக் கொள்கையை அடிப்படையாக கொண்டு செயல்படுத்தப்படும் 'பி.எம்.ஸ்ரீ' பள்ளித்திட்ட புரிந்துணர்வு ஒப்பந்தத்தில் புதிய அரசாங்கம் கையெழுத்திடுவதற்கான வாய்ப்புகள் குறைவு என்றே சொல்லப்படுகிறது. இதற்கிடையில், புதிய அரசாங்கத்தை அமைக்க தீவிரம் காட்டி வரும் த.வெ.க., கல்வித்துறையிடம் இதுவரை மேற்கொள்ளப்பட்ட திட்டங்கள். அதனால் பயன் பெற்றவர்கள் குறித்த முழு விவரங்களையும் கேட்டிருப்பதாகவும் தகவல்கள் வெளியாகியுள்ளன.