ஜனநாயகத்தை பாலூட்டி வளர்த்த பெருமை ஜவஹர்லால் நேருவை சாரும்: ப.சிதம்பரம்

சென்னை,

நாட்டின் மிக நீண்ட கால பிரதமர் என்ற சாதனையை படைத்துள்ள பிரதமர் மோடிக்கு கூட்டணி கட்சித்தலைவர்கள், பிற அரசியல் கட்சித் தலைவர்கள் வாழ்த்து தெரிவித்து வருகின்றனர். அந்த வகையில், காங்கிரஸ் மூத்த தலைவர் ப.சிதம்பரம் வெளியிட்டுள்ள எக்ஸ் தளப்பதிவில் கூறப்பட்டிருப்பதாவது:-

4,399 நாட்கள் நரேந்திர மோடி பாரதப் பிரதமராகத் தொடர்ந்து இருப்பது பாராட்ட வேண்டிய சாதனை. ஆனால் அது ஜவஹர்லால் நேருவின் சாதனையை முறியடித்தது என்று சொல்வது பிழை. 1947 முதல் 1952 வரை நேரு அவர்கள் பிரதமராக இருந்தார் என்பதை மறக்க முடியுமா? நீக்க முடியுமா?.