சட்டத்தை உயிரோட்டமாக வைத்திருப்பதில் மாவட்ட கோர்ட்டுகளின் சேவை மகத்தானது: சுப்ரீம் கோர்ட்டு தலைமை நீதிபதி சூர்யகாந்த் பேச்சு

மதுரை ஐகோர்ட்டும், மாவட்ட நீதித்துறையும் தொடர்ந்து வளர்ச்சி பெற்று, மக்களின் நம்பிக்கையை மேலும் வலுப்படுத்த வேண்டும். நீதிபதிகளின் அர்ப்பணிப்பும், வக்கீல்களின் தொழில்முறை திறனும் இணைந்தால் நீதியை முழுமையாக வழங்க முடியும். இந்திய நீதித்துறையின் பெருமையை உயர்த்தும் வகையில் எதிர்கால முயற்சிகளில் தொடர்ந்து நாம் இணைந்து செயல்பட வேண்டும்.

இவ்வாறு அவர் பேசினார்.

மதுரையில் நடந்த இந்த விழாவில் சுப்ரீம் கோர்ட்டு, ஐகோர்ட்டு நீதிபதிகள் பங்கேற்றனர். இதில் சுப்ரீம் கோர்ட்டு நீதிபதி ஆர்.மகாதேவன் பேசுகையில், "நீதித்துறை கட்டமைப்பு என்பது நிலையான ஒன்றாக இருக்கக்கூடாது. அது காலத்திற்கேற்ப மாற்றங்களை ஏற்றுக்கொண்டு முன்னேற வேண்டும். நீதித்துறையின் மரபுகள், ஒழுக்கம் மற்றும் கண்ணியத்தை காக்கும் பொறுப்பை அனைவரும் ஏற்க வேண்டும். அதிகரித்து வரும் வழக்குகளின் எண்ணிக்கை, நீதித்துறையின் மீது பொதுமக்கள் கொண்டுள்ள நம்பிக்கையின் வெளிப்பாடாகும். அனைவரும் எளிதாக அணுகி விரைவான, குறைந்த செலவிலான நியாயமான நீதியை வழங்கும் அமைப்பை உருவாக்குவது நம் கடமை” என்றார்.

சுப்ரீம் கோர்ட்டு நீதிபதி ஜே.கே.மகேஸ்வரி பேசியதாவது:

கண்ணகி கதை போல், இந்த மதுரை மண் என்பது, நீதியின் உயர்ந்த அடையாளமாக திகழ்கிறது. ஒரு சாதாரண குடிமகனின் கண்ணீர் கூட சக்திவாய்ந்த ஆட்சியையும் மாற்றக்கூடியது என்பதே அந்த கதையின் கருத்து. நீதி என்பது சலுகை அல்ல. அது கடமை. திருக்குறளில் கூறியபடி, தராசு போல எந்த சாய்வும் இன்றி நடுநிலையுடன் செயல்படுங்கள். அதுவே சிறந்த பண்பாகும்.

இவ்வாறு அவர் பேசினார்.