இந்நிலையில் நேற்று அரசு விடுமுறை, முருகப்பெருமானுக்கு உகந்த விசாக தினம் மற்றும் முகூர்த்த தினம் என்பதால் காலை முதலே மலைக்கோவிலில் பக்தர்கள் கூட்டம் குவிந்தது. எனவே கோவில் வளாகம் முழுவதும் பக்தர்கள் கூட்டமாக காணப்பட்டது. பொதுவழியில், பக்தர்கள் நீண்ட வரிசையில் 3 மணி நேரம் காத்திருந்து முருக பெருமானை தரிசித்தனர். அதே போல் ரூ.100 தரிசன கட்டண டிக்கெட் பெற்ற பக்தர்கள் 1 மணி நேரம் காத்திருந்து மூலவரை தரிசித்தனர். கோவிலுக்கு பஸ், கார்கள் மூலம் வந்த பக்தர்கள் மலைக்கோவிலுக்கு செல்லும் வழியில் போக்குவத்து நெரிசலில் சிக்கி தவித்தனர். வாகனங்கள் மலைப்பாதையில் ஒரு மணி நேரத்திற்கு மேலாக நெரிசலில் சிக்கியதால் குழந்தைகள் மற்றும் முதியவர்கள் பாதிக்கப்பட்டனர்.