குறிப்பாக 9-ந்தேதி நடைபெறும் சூரசம்ஹாரம் மற்றும் 10-ந்தேதி நடைபெறும் திருக்கல்யாணம் ஆகிய நிகழ்வுகளில் பக்தர்கள் கலந்து கொள்ள தடை விதிக்கப்பட்டுள்ளது. மற்ற நாட்களில் நடைபெறும் நிகழ்வுகளில் பத்தாயிரம் நபர்கள் கலந்து கொள்ளலாம் எனவும் கொரோனா பரிசோதனை செய்த சான்றிதழை காண்பித்த பிறகே அனுமதிக்கப்படுவார்கள் எனவும் அறிவிக்கப்பட்டுள்ளது.

மேலும், கந்தசஷ்டி திருவிழாவில் தனிநபர் அன்னதானத்திற்கு தடை விதிக்கப்படுவதாகவும் கோவில் நிர்வாகம் மூலம் வழங்கப்படும் அன்னதானத்திற்கு மட்டும் அனுமதி கொடுக்கப்படுவதாகவும் தெரிவிக்கப்பட்டுள்ளது. கோவில் சுற்று வட்டாரத்தில் உள்ள தங்கும் விடுதிகளில் தங்கியிருந்து சாமி தரிசனம் செய்வதற்கும் அனுமதி மறுக்கப்பட்டுள்ளது.

இந்த கந்தசஷ்டி திருவிழாவில் உள்ளூர் போலீசார் 1500 பேர் பாதுகாப்பு பணிகளில் ஈடுபடுவார்கள் எனவும் சூரசம்ஹாரம் மற்றும் திருக்கல்யாணம் ஆகிய நிகழ்வுகளை உள்ளூர் தொலைக்காட்சி மற்றம் யூடியூப் சேனல்கள் மூலமாக கண்டுகளிக்குமாறு பக்தர்களுக்கு மாவட்டம் நிர்வாகம் அறிவுறுத்தியுள்ளது.