கொரோனா பரவுவதை தடுக்க மத்திய, மாநில அரசுகள் பல்வேறு நடவடிக்கைகளை எடுத்து வருகின்றன. கொரோனா ஒழிப்பு பணியில் புதிய தொழில்நுட்பத்தை கண்டுபிடிக்க, சென்னை ஐ.ஐ.டி.யும் தன்னை முழுமையாக ஈடுபடுத்திக்கொண்டுள்ளது. அந்தவகையில் மிகவும் சிறிய துகள்கள் (நானோ துகள்கள்) சார்ந்த ஆன்டிமைக்ரோபையல் மூலம் கொரோனா வைரசை செயலிழக்க செய்யும் மேற்பூச்சு பொருளை தயாரிக்கும் பணியில் ஐ.ஐ.டி. தீவிரமாக இறங்கியுள்ளது.

இந்த மேற்பூச்சு பொருளை, என்.95 ரக முககவசம், அறுவை சிகிச்சை முககவசம், உடல் முழுவதும் அணியப்படும் கவசங்கள், உணவு பொருட்களை பொட்டலம் கட்டுவதற்கு பயன்படுத்தப்படும் துணிகளில் பூசலாம். இந்த மேற்பூச்சில் படும் பட்சத்தில், வைரஸ் தானாகவே செயலிழந்துவிடும். சிறிய துகள்கள் சார்ந்த ஆன்டிமைக்ரோபையல் மேற்பூச்சு பூசப்பட்ட துணிகளை 60 முறை சலவை செய்து மீண்டும் பயன்படுத்தி கொள்ளலாம்.