அன்புமணி ராமதாஸ்

இந்த நிகழ்ச்சியில் பா.ம.க இளைஞர் அணி தலைவர் டாக்டர் அன்புமணி ராமதாஸ் பேசுகையில், 100 ஐ.ஏ.எஸ். அதிகாரிகள் மூலம் ஆட்சியாளர்கள் தயாரிக்கும் அறிக்கையை பா.ம.க. தயாரித்துள்ளது. எங்களது அறிக்கையை

முதல்-அமைச்சரிடம் கட்சி தலைவர் ஜி.கே. மணி வழங்குவார் என்றார்.

பின்னர் சென்னையில்பத்திரிகையாளர்கள் முன்னிலையில் நிழல் நிதிநிலை அறிக்கையை பா.ம.க. தலைவர் ஜி.கே.மணி வெளியிட்டார்.

அதில் இடம்பெற்றுள்ள முக்கிய அம்சங்கள் வருமாறு:-

புதிய வேளாண் பல்கலைக்கழகங்கள்

* காய்கறி, பழங்கள், பூக்கள் வீணாகாமல் பாதுகாத்து வைக்க அனைத்து வட்டங்களிலும் குளிர்பதனக் கிடங்கு அமைக்கப்படும்.

* விவசாயிகளிடம் இருந்து கொள்முதல் செய்யப்படும் நெல் மூட்டைகளை சேமித்து வைக்க உலர்த்தும் வசதியுடன் கூடிய பிரமாண்டக் கிடங்குகள் அமைக்கப்படும்.

* அனைத்து மாவட்டங்களிலும் உணவுப் பதனத் தொழிற்சாலைகள் அமைக்கப்படும்.

* தஞ்சை, வேலூர், நெல்லை ஆகிய நகரங்களில் புதிய வேளாண் பல்கலைக்கழகங்கள் அமைக்கப்படும்.

நீரா பானம் விற்பனை

* வேளாண்மை மற்றும் தோட்டக்கலைத்துறையில் 50 லட்சம் புதிய வேலைவாய்ப்புகளை ஏற்படுத்த இலக்கு நிர்ணயிக்கப்பட்டுள்ளது.

* தென்னை மரங்களில் இருந்து இறக்கப்படும் நீரா பானத்தை பாதுகாப்பான முறையில் உறைகளில் அடைத்து தமிழ்நாடு முழுவதும் விற்பனை செய்ய நடவடிக்கை எடுக்கப்படும்.

* 5 ஏக்கருக்கும் கூடுதலாக நிலம் வைத்துள்ள விவசாயிகளுக்கு தமிழக அரசின் சார்பில் அடையாள உதவியாக ரூ.20 ஆயிரம் வழங்கப்படும்.

* கூட்டுறவு வங்கிகள் மூலம் வழங்கப்படும் கடனுக்கு வட்டி எதுவும் வசூலிக்கப்படாது.

நிலத்தடி நீர்மட்டத்தை அதிகரிக்க...

* தமிழகத்தில் விளையும் அனைத்து வகை உணவு தானியங்களுக்கும் மாநில அரசே விலை நிர்ணயிக்க முடிவு செய்துள்ளது. இதற்காக வேளாண் விளைபொருள் விலை நிர்ணய ஆணையம் அமைக்கப்படும். அதேபோல வேளாண் விளைபொருள் கொள்முதல் வாரியம் என்ற அமைப்பும் ஏற்படுத்தப்படும்.

* மகாத்மா காந்தி ஊரக வேலைவாய்ப்பு திட்டம் மூலம் வேலை வழங்கப்படும் நாட்களின் எண்ணிக்கை 150 ஆக உயர்த்தப்படும்.

* நிலத்தடி நீர்மட்டத்தை அதிகரிக்க புரட்சிகரமான நீர் செறிவூட்டும் திட்டம் செயல்படுத்தப்படும்.

மணல் குவாரிகள் மூடல்

* அனைத்து மணல் குவாரிகளும் மூடப்படும். கட்டுமான பணிகளுக்கு பாதிப்பு ஏற்படாமல் தடுக்கஎம் சாண்ட் உற்பத்தி அதிகரிக்கப்படும்.

* சீமைக்கருவேல மரங்களை ஒழிப்பதற்கு சிறப்பு சட்டம் நிறைவேற்றப்படும். நிலத்தடி நீரை அதிகம் உறிஞ்சும் யூகலிப்டஸ் மரங்கள் வளர்க்க தடை விதிக்கப்படும். பனைமரங்களை வெட்டத் தடை விதிக்கப்படும்.

* வேளாண் துறை 3 ஆக பிரிக்கப்பட்டு வேளாண்மை, தோட்டக்கலை, வேளாண் சந்தை ஆகிய அமைச்சகங்கள் உருவாக்கப்படும்.

* ஒவ்வொரு மாநகரங்களிலும், மாவட்ட தலைநகரங்களிலும் தோட்டக்கலைப் பொருட்களுக்காக பெரிய சந்தைகள் அமைக்கப்படும். நகரங்களில் இயற்கை விவசாய விளைபொருட்களை விற்பதற்கு தனி அங்காடிகள் அமைத்து

கொடுக்கப்படும்.