சுகாதாரத்துறை அமைச்சரின் மற்றொரு அறிவிப்பில், மாநிலம் முழுவதும் அரசு மற்றும் தனியார் மருத்துவமனைகளில் 300 தனிமைப்படுத்தப்பட்ட படுக்கைகள் கொரோனா நோயாளிகளுக்காக பிரத்யேகமாக ஏற்பாடு செய்யப்பட்டு உள்ளதாகவும் தெரிவிக்கப்பட்டுள்ளது. ஆனால் இத்தகைய நடவடிக்கைகள் மட்டும் போதுமானதல்ல என சுட்டிக்காட்ட விரும்புவதோடு, நோய் தடுப்பு மற்றும் சிகிச்சைக்கான ஒருங்கிணைந்த முறையிலான பன்முக நடவடிக்கைகளை மேற்கொள்ள தமிழக அரசு முன்வர வேண்டும். கேரளாவை போல தமிழகத்திலும் பொதுமக்கள் அதிகம் கூடும் சினிமா தியேட்டர்கள், விளையாட்டு மைதானங்களை மூட வேண்டும். தொடக்க பள்ளிகளுக்கு விடுமுறை அளிக்க வேண்டும்.